لاهور(ويب ڊيسڪ)پنجاب جي وڏي وزير چوڌري پرويز الاهي عوام جون شڪايتون فوري طور تي حل ڪرڻ جي هدايت ڪئي آهي.لاهور ۾ پنجاب جي وڏي وزير چوڌري پرويز الاهي سان چيف منسٽر گريوئنس سيل جي چيئرمين زبير احمد خان ملاقات ڪئي، جنهن سيل جي ڪارڪردگي ۽ شڪايتن جي ازالي بابت بريفنگ ڏني.ان موقعي تي پنجاب جي وڏي وزير چيو ته شڪايتي سيل ۾ ايندڙ درخواستن کي جلد اڪلايو وڃي، عوامي شڪايتن بابت درخواستن کي مقرر وقت ۾ حل ڪيو وڃي.پنجاب جي وڏي وزير وڌيڪ چيو ته عوام جون شڪايتون بروقت دور ڪري کين رليف ڏنو وڃي، بي بنياد ۽ غلط درخواستون ڏيندڙن خلاف ڪارروائي ڪئي وڃي.
