چاغي(ويب ڊيسڪ) تيز برساتن ۽ ٻوڏ سبب پاڪ ايران ريل سروس اڃا تائين بحال نه ٿي سگهي آهي.ريلوي اختيارين موجب برساتن سبب پاڪ ايران ريل سروس مڪمل طور بند آهي، جنهن سبب مال گاڏيون گذريل هڪ هفتي کان دالبندين ريلوي اسٽيشن تي بيٺل آهن.ريلوي اختيارين جو چوڻ آهي ته 4 مال گاڏين ۾ چانور ڀرجي ويا آهن، سخت گرمي سبب ڪروڙين رپين جو چانور خراب ٿيڻ جو خدشو آهي.ريلوي اختيارين جو چوڻ آهي ته بندش جو سبب اهو آهي ته احمدوال ويجهو خراب ٿيل ريلوي پل جي هنگامي بنيادن تي مرمت نه ٿي سگهي.اختيارين جو چوڻ آهي ته پاڪ ايران ريلوي ٽريڪ جو هيٺيون حصو اڃا تائين پاڻي ۾ ٻڏي ويو آهي.
