اسلام آباد (بيورو رپورٽ) پاڪستان ۽ قطر وچ ۾ گهرو سڪيورٽيءَ جي شعبي ۾ سهڪار وڌائڻ تي اتفاق ڪيو ويو آهي.وفاقي گهرو وزير محسن نقويءَ جي قطري هم منصب ۽ گهرو سلامتي فورس جي ڪمانڊر سان ملاقات ٿي، جنهن دوران گهرو سڪيورٽيءَ جي مختلف شعبن ۾ ٻطرفي سهڪار کي هٿي وٺرائڻ بابت خيالن جي ڏي وٺ ڪئي وئي. ملاقات ۾ خطي جي موجوده صورتحال، علائقائي امن ۽ استحڪام سميت گڏيل دلچسپيءَ جي معاملن تي پڻ ڳالهيون ڪيون ويون.
