اسلام آباد (اسپورٽس نيوز) قومي ڪرڪيٽر ڪامران اڪمل جو چوڻ آهي ته قومي ٽيم جي ٽي ٽوئنٽي ورلڊ ڪپ اسڪواڊ ۾ سندس جاءِ ناهي. باغ اسٽالن جي آئڪن پليئر ڪامران اڪمل ميڊيا سان ڳالهائيندي چيو ته ڪرڪيٽ جا مداح ڪشمير پريميئر ليگ لاءِ بيحد پرجوش آهن، ڪي پي ايل ان ايونٽ ۾ سٺي ڪرڪيٽ کيڏڻ سان ٽورنامينٽ جو معيار بهتر بڻائڻ جو سوچي رهيو آهي.هن چيو ته هر اننگز ۾ 70، 80 رنسون ٺاهڻ آسان ناهي ڇاڪاڻ ته ڪرڪيٽ لفظن سان نه کيڏي ويندي آهي، سٺي ڪرڪيٽ کيڏڻ لاءِ گرائونڊ تي سخت محنت جي ضرورت آهي.قومي ڪرڪيٽر جو چوڻ هو ته آسٽريليا ۾ ٿيندڙ ٽي 20 ورلڊ ڪپ بابت نه سوچيو هو، مون کي ٽي 20 ورلڊ ڪپ جي اسڪواڊ ۾ جاءِ نه ملندي، ٽي 20 ۾ رضوان جي جاءِ ڪو به نه ٿو وٺي سگهي، هاڻي جيڪڏهن ڪو وڪيٽ ڪيپر بيٽسمين هوندو ته ٽي 20 کيڏندو. هڪ ماهر بيٽسمين کيڏندو.ڪامران اڪمل وڌيڪ چيو ته ٽي 20 ورلڊ ڪپ جي اسڪواڊ جي چونڊ دوستي جي بنياد تي نه ڪئي وڃي، آسٽريليا جي حالتن جي بنياد تي ميرٽ تي چونڊجڻ گهرجي.
