اسلام آباد(بيورو رپورٽ)پابندي مڙهيل تنظيم تحريڪ طالبان پاڪستان پاران اهم شخصيتن کي نشانو بڻائڻ جو انڪشاف ٿيو آهي.پابندي مڙهيل تحريڪ طالبان پاڪستان ۽ جماعت الاحرار جو فوجي ۽ حساس ادارن جي سربراهن کي نشانو بڻائڻ جو منصوبو آهي.پابندي مڙهيل جماعتن حڪومتي اهلڪارن، مريم نواز، راڻا ثناءُ الله، سيڪيورٽي ۽ حساس ادارن کي نشانو بڻائڻ ۽ قانون لاڳو ڪندڙ ادارن جي گاڏين ۽ چيڪ پوسٽن تي حملا ڪرڻ جو منصوبو جوڙيو آهي.جماعت الاحرار جي اڳواڻ رفيع الله جي نگراني ۾ 2 آپگهاتي بمبارن جو گروپ پنجاب ۾ داخل ٿي ويو آهي. پابندي مڙهيل تحريڪ طالبان پاڪستان جي اڳواڻ سربڪيف مهمند هڪ بيان ۾ 9 مئي جي فسادن کي ساراهيو ۽ شرپسندن جي آجيان ڪئي.
