اسلام آباد (بيورو رپورٽ) وفاقي آئيني عدالت ڊاڪٽر عافيه صديقي ڪيس کي ٻڌڻيءَ لاءِ مقرر ڪري ڇڏيو آهي، جڏهن ته وزيراعظم ۽ ڪابينا خلاف توهينِ عدالت جي ڪارروائيءَ خلاف اپيل به ٻڌڻيءَ لاءِ مقرر ڪئي وئي آهي.چيف جسٽس امين الدين خان جي سربراهيءَ ۾ ٻه رڪني بينچ 16 جون تي ٻڌڻي ڪندي، جڏهن ته وزيراعظم ۽ ڪابينا خلاف ڪارروائيءَ جي فيصلي کي وفاقي حڪومت چئلينج ڪري رکيو آهي. ياد رهي ته اسلام آباد هاءِ ڪورٽ ڊاڪٽر عافيه صديقي ڪيس ۾ حڪم جي نافرماڻي (حڪم عدولي) ڪرڻ تي توهينِ عدالت جي ڪارروائيء جو حڪم ڏنو هو.
