نيويارڪ(ويب ڊيسڪ)واٽس اپ جلد ئي گهربل وقت ۽ ڏينهن تي ڪالز شيڊول ڪرڻ جي قابل ٿي ويندي جنهن لاءِ ايپليڪيشن تياريون شروع ڪري ڇڏيون آهن.ان کان اڳ واٽس اپ اينڊرائيڊ ۽ آئي او ايس ڊوائيسز استعمال ڪندڙ صارفين لاء نئين اسٽيٽس سيڪشن فيچرز متعارف ڪرائڻ جو اعلان ڪيو هو.هاڻي واٽس ايپ بيٽا انفو پنهنجي رپورٽ ۾ چيو آهي ته ايپ گروپ ڪال شيڊول ڪرڻ جي فيچر تي ڪم شروع ڪري ڇڏيو آهي، جيڪو هاڻي گروپ جي سمورن ميمبرن کي ڪال شيڊول ڪرڻ لاءِ وقت چونڊڻ جي اجازت ڏيندو.واٽس اپ انفو ان سلسلي ۾ هڪ اسڪرين شاٽ پڻ شيئر ڪيو آهي.اهو اسڪرين شاٽ ۾ ڏسي سگھجي ٿو ته صارف گروپ ڪال جو عنوان، تاريخ ۽ وقت چونڊڻ جي قابل هوندا.يعني جنهن موضوع کي سڏيو وڃي ٿو اهو عنوان ۾ لکي سگهجي ٿو ۽ وقت ۽ تاريخ جي چونڊ به باهمي رضامندي سان ڪري سگهجي ٿي.واٽس اپ اڃا تائين اهو اعلان نه ڪيو آهي ته هي فيچر صارفين لاءِ ڪڏهن متعارف ڪرايو ويندو، اميد آهي ته ايندڙ ڏينهن ۾ صارفين کي سٺي خبر ملندي.
