مدئجي(نويد احمد دل) ڳوٺ جندوديرو جي رهواسڻ نائين ڪلاس جي شاگردياڻي سائره ڌي انور شيخ مبينا طور اغوا ٿي وئي جنهن جي وارثن پيءَ انور شيخ ۽ ٻين ٿاڻي تي پهچي ڌيءَ جي اغوا جي اين سي داخل ڪرائي آهي جنهن ۾ هن ڄاڻايو آهي ته اسڪول کان واپسي دوران جوابدار دلبر پٽ رضا محمد شيخ ساٿين سميت ڌي کي اغوا ڪري کڻي ويو آهي نياڻي واپس ڪرائي وڃي. ان سلسلي ۾ رابطو ڪرڻ تي مدئجي پوليس جو چوڻ هو ته مبينا طور اغوا ٿيل ناري جي والد جي فرياد تي ڄاڻايل جوابدار دلبر شيخ ۽ ٻين خلاف اين سي داخل ڪئي آهي وڌيڪ جاچ ڪري رهيا آهيون. هوڏانهن علائقي ۾ چوٻول آهن ته شاگردياڻي سائره شيخ پريمي دلبر شيخ سان پيار جي پرڻي لاءِ گهران نڪري وئي آهي.
