لاهور (ويب ڊيسڪ)جي يو آءِ (ف) جي سربراهه مولانا فضل الرحمان چيو آهي ته پهلگام واقعي لاءِ پاڪستان کي الزام ڏيڻ جو ڪهڙو فائدو؟ مودي جو اعلان ظاهر ڪري ٿو ته هو اسلام ۽ مسلمانن جو دشمن آهي، مودي اسرائيل سان گڏ بيٺو آهي، اسرائيل هڪ جنگي مجرم آهي، عورتن ۽ ٻارن جو قتل عام ڪري رهيو آهي.جي يو آءِ (ف) جي سربراهه مولانا فضل الرحمان مينار پاڪستان گرائونڊ ۾ قومي فلسطين ڪانفرنس کي خطاب ڪندي چيو ته فلسطيني مسجد اقصيٰ جي آزادي جي جنگ ۾ فرنٽ لائن تي آهن. پاڪستان جو وجود فلسطين جي حمايت سان شروع ٿيو.هن چيو ته هو فلسطينين کي پيغام ڏيڻ چاهي ٿو: پاڪستان جا ماڻهو توهان سان گڏ آهن. انصاف جي عالمي عدالت نيتن ياهو جي خلاف فيصلو ڏنو آهي، ۽ کيس گرفتار ڪيو وڃي.
