اسلام آباد (بيورو رپورٽ) اسلام آباد هاءِ ڪورٽ وفاقي وزير فيصل واوڊا خلاف توهين عدالت ۽ نااهليءَ لاءِ داخل درخواستون 20 آگسٽ تي ٻڌڻي لاءِ مقرر ڪري ڇڏيون. جسٽس عامر فاروقي ٻنهي درخواستون تي ٻڌڻي ڪندو، عدالت وفاقي وزير فيصل واوڊا ۽ اليڪشن ڪميشن کان به جواب طلب ڪري ورتو آهي. درخواست گذار طرفان فيصل واوڊا کي ٻٽي شهريت جي بُنياد تي نااهل قرار ڏيڻ ۽ عدالتي حڪم باوجود جواب جمع نه ڪرائڻ تي توهين عدالت جي ڪارروائي هلائڻ جي درخواست ڪئي وئي آهي. درخوادست گذار جو موقف آهي ته فيصل واوڊا عام چونڊن ۾ نامزدگي ڪاغذ جمع ڪرائڻ وقت ٻٽي شهريت لڪائي هئي کيس هميشه لاءِ نا اهل قرار ڏنو وڃي.
