ڪراچي(اسٽاف رپورٽر) تعليم ۽ ثقافت واري سنڌ جي وزير سيد سردار علي شاهه چيو آهي ته ڪارونجھر جبل سان اسان جو اخلاقي، ثقافتي ۽ جذباتي رشتو آھي. منهنجي قيادت پنهنجي تشخص کي ڪڏهن به متاثر ٿيڻ نه ڏيندي، ڪارونجهر رڳو پٿرن جو جبل ناهي، پر اسان جو ڳاٽ آهي، جنهن کي ڪڏهن به جھڪڻ نه ڏنو ويندو. ٽوئٽر تي جاري ڪيل بيان ۾ هن چيو آهي ته ڪارونجهر جبل جي ڪجهه حصن جي ليز تي ڏيڻ واري معاملي جو نوٽيس وٺندي پ پ قيادت ٽينڊر رد ڪرڻ جا حڪم جاري ڪري ڇڏيا آهن.
کارونجھر سے ھمارا تھذیبی ، ثقافتی اور جذباتی بندھن ھے۔ میری قیادت کبھی بھی اپنے تشخص پر آنچ آنے نھیں دیگی- کارونجھر صرف پتھروں کا پہاڑ نھیں بلکہ ھماری گردن ھے جسکو کبھی جھکنے نھیں دینگے ۔ قیادت نے اس مسئلے کا نوٹیس لیتے ھوئے ، ٹینڈر کو منسوخ کرنے کے احکامات جاری کردیئے ھیں ۔…
— Sardar Shah (@sardarshah1) July 23, 2023
ياد رهي ته کاڻين واري کاتي جي وزير مير شبير علي بجاراڻي چيو هو ته ڪارونجهر جبل جي پاسي وارو ڪجهه علائقو معدنيات ڪڍڻ لاءِ ليز تي ڏيڻ جو فيصلو ڪيو آهي. جنهن تي سنڌ جي سڀني قومپرست پارٽين ۽ سول سوسائٽي سخت رد عمل ظاهر ڪندي احتجاج جو اعلان ڪيو هو. جنهن بعد حڪومت ٽينڊر رد ڪرڻ جو فيصلو ڪيو آهي.
