لاهور (ويب ڊيسڪ)اسلام آباد جي دهشتگردي ٽوڙ عدالت (اي ٽي سي) ضمانت رد ڪرڻ بعد لاهور هاءِ ڪورٽ ۾ عمران خان جي حفاظتي ضمانت واري درخواست تي ٻڌڻي ملتوي ڪئي وئي آهي.عمران خان جي سڪيورٽي لاءِ جسٽس طارق سليم شيخ آڏو عمران خان جا وڪيل پيش ٿيا، عمران خان طرفان ايڊووڪيٽ اظهر صديق پنهنجو وڪيل خط جمع ڪرايو.عمران خان جي وڪيل چيو ته ڊاڪٽرن سان ملاقات ٿي رهي آهي، پارٽي جا سڪيورٽي خدشا آهن، هو ڪوشش ڪري رهيا آهن ته 2 ڪلاڪن ۾ عمران خان پهچي وڃن.عمران خان جي وڪيل جي درخواست تي عدالت ٻڌڻي ساڍي ٻارهين وڳي تائين ملتوي ڪري ڇڏي.
