ڪراچي(ويب ڊيسڪ)ايمن سليم جيڪو گذريل سال رمضان اسپيشل ڊرامي ”چپڪي چپڪي“ ذريعي شهرت ماڻي هئي، شوبز انڊسٽري ڇڏڻ کانپوءِ واپس اچي وئي آهي ۽ هن ڀيري به هوءَ رمضان جي خاص ڊرامي ”پرستان“ ۾ نظر اچي رهي آهي. ايمن سليم جولاءِ 2021ع ۾ شوبز ڇڏڻ جو اعلان ڪيو هو، جنهن کانپوءِ هن واضح ڪيو هو ته هوءَ انڊس ۾ واپسي يا نه اچڻ جو فيصلو اڪيلائي ۾ ڪجهه دير سوچڻ کانپوءِ ڪندي ۽ هاڻي هوءَ ڊرامن ۾ واپس آئي آهي. ايمن سليم هن وقت رمضان جي اسپيشل ڊرامي ”پرستان“ ۽ ڊرامي ”ابن حوا“ ۾ به نظر اچي رهي آهي ۽ سندس ٻنهي ڊرامن کي تمام گهڻو ساراهيو پيو وڃي. هن ڪجهه ڏينهن اڳ هڪ انٽرويو ۾ چيو هو ته هوءَ پنهنجي مداحن جي پيار سبب واپس شوبز ۾ آئي آهي.
