اسلام آباد(بيورو رپورٽ)اڳوڻي وزيراعظم شاهد خاقان عباسي پاڪستان تحريڪ انصاف جي چيئرمين عمران خان کي فوري جيل وڃڻ جي مخالفت ڪري ڇڏي.اڳوڻي وزيراعظم شاهد خاقان عباسي چيو ته جيڪڏهن عمران خان ڪجهه به ڪيو آهي ته مان ڪنهن کي جيل ۾ وجهڻ جي حق ۾ نه آهيان، توهان چاهيو ٿا الزام لڳايو ۽ روزاني بنياد تي ٽرائل هلايو، ڪيس مڪمل ڪيو وڃي. جيڪڏهن عمران خان ڪجهه ڪيو آهي ته کيس سزا ڏيو.شاهد خاقان چيو ته عمران خان ڪيترائي غلط ڪم ڪيا، ها، عمران خان پاڻ اعتراف ڪندو هو ته مان فلاڻي کي جيل ۾ وڌو ۽ فلاڻي کي پڪڙيو.هن سوال اٿاريو ته عمران خان کي ڪيس ڪرڻ جو اختيار ڪنهن ڏنو؟ اصولي طور توهان کي ڪنهن به سياستدان کي جيل ۾ وجهڻ جو اختيار نه هئڻ گهرجي ڇو ته اها طاقت انتقام بڻجي ويندي آهي.اڳوڻي وزيراعظم چيو ته 50 سالن ۾ 73ع جي آئين تحت جوڻيجو کانسواءِ سمورا وزيراعظم جيل ويا.مسلم ليگ ن جي پارٽي معاملن بابت ڳالهائيندي شاهد خاقان چيو ته مريم نواز آئي هئي، اسلام آباد ڪنوينشن ۾ مون کي نه دعوت ڏني وئي هئي، اسلام آباد ڪنوينشن هو، منهنجو تعلق پنڊي ڊويزن سان آهي، مريم نواز 19 فيبروري تي پنڊي ڊويزن سان گڏ ايندي، مان وينديس. اتي مريم نواز کي آچر تي اچڻ لاءِ چيو پر مان ان ڏينهن لاهور لٽريچر فيسٽيول ۾ هوس، مريم نواز کي چيو ته نه اچو، لاهور پهچندي ئي ملاقات ڪندس.
