اسلام آباد (م ڊ) اڳوڻي وزيراعظم ۽ مسلم ليگ (ن) جي سينيئر نائب صدر شاهد خاقان عباسي پارٽي عهدي تان استعيفيٰ ڏيڻ جي ترديد ڪئي آهي. سندس چوڻ آهي ته مون ملڪ جي بهتري لاءِ ري ايميجنگ پاڪستان جي فورم ذريعي پاڪستان جي ڀلائي جو پيغام پکيڙڻ جو فيصلو ڪيو آهي. پارليامينٽ هائوس ۾ ڳالهه ٻولهه ڪندي شاهد عباسي ان تاثر کي رد ڪيو ته هو رٽائرمينٽ کان اڳ جنرل باجوه جي مدي ۾ ٻي واڌ لاءِ ڪم ڪري رهيو هو.هن انڪشاف ڪيو ته هن لنڊن ۾ (ن) ليگ جي سربراهه نواز شريف کي صلاح ڏني هئي ته جيڪڏهن حڪومت جنرل باجوه کي واڌ ڏيڻ تي مجبور ٿي وڃي ته بهتر آهي ته حڪومت ڇڏي وڃي. هن ان تاثر کي به رد ڪيو ته هو ڪنهن جنرل کي آرمي چيف بڻائڻ لاءِ لابنگ ڪري رهيو آهي.هن چيو ته هن 3 سال اڳ نواز شريف تي واضح ڪري ڇڏيو هو ته جيڪڏهن مريم نواز کي پارٽي ۾ وڏي عهدي تي آندو ويو ته سندس پارٽي ۾ رهڻ ممڪن نه هوندو. هڪ سوال جي جواب ۾ هن چيو ته مريم لنڊن مان اچڻ کان پوءِ هن سان نه ڳالهايو آهي.هن چيو ته مان خوش آهيان ته سندس سرجري ڪامياب ٿي، منهنجون دعائون ساڻس گڏ آهن. هن چيو ته هو ڪنهن به صورت ۾ پارٽي جو چيف آرگنائيزر نه هوندو.شاهد خاقان عباسي چيو ته هو آخري دم تائين (ن) ليگ سان گڏ رهندس پر جيڪڏهن پارٽي مون کان ڌار ٿي ته گهر وڃڻ کي ترجيح ڏيندس. جڏهن ان کان پڇيو ويو ته ڇا هو ٻيو چوڌري نثار ٿيڻ وارو آهي، هن مسڪرائيندي چيو ته مان ڪو وڌيڪ ڪمٽمينٽ وارو سياسي ڪارڪن ناهيان.هن چيو ته مائي ري اميجنگ پاڪستان فورم ڪنهن به شخص يا پارٽي جي خلاف ناهي، هن فورم ۾ وڏي تعداد ۾ ماڻهو شرڪت ڪري ان جي سرگرمين جو حصو بڻجي رهيا آهن.فورم جو ايندڙ سيمينار 18 فيبروري تي ڪراچي ۾ ٿيندو. شاهد خاقان عباسي افسوس جو اظهار ڪندي چيو ته عمران خان سياسي پارٽين ۽ انهن جي اڳواڻن کي ڏينهن رات بدنام ڪري رهيو آهي ۽ اهي سياسي پارٽيون سندس خلاف ڪجهه به نه ڪري رهيون آهن.هن چيو ته عوام Reimagining Pakistan فورم سان تعاون ڪن، اسان ماڻهن کي اپيل ٿا ڪريون ته هو ملڪ جي صورتحال کي پرامن طريقي سان سمجهڻ جي ڪوشش ڪن ۽ مسئلن جي حل لاءِ ڪو رستو ڳولين.
