ممبئي(ويب ڊيسڪ)بالي ووڊ جي مشهور اداڪار سنجي دت انڪشاف ڪيو آهي ته هو هڪ ڀيرو شراب پي ويو ۽ ٻه ڏينهن سمهي رهيو.ڀارتي ميڊيا رپورٽن موجب سنجي دت اها ڳالهه ڪجهه سال اڳ هڪ پروگرام ۾ ٻڌائي هئي، جنهن ۾ هن اعتراف ڪيو هو ته هو پنهنجي زندگيءَ ۾ ئي چرس جو عادي هو ۽ ڪيترن ئي ڏينهن تائين شراب نوشي ڪندو هو.اداڪار پڻ لت جي سبب صحت جي منفي اثرات بابت ڳالهايو.هن چيو ته منشيات بيڪار شيءِ آهي، هڪ دفعي مان شراب پيئندي گهر پهتس ۽ سمهڻ لاءِ ڪمري ۾ ويس، صبح 7 يا 8 وڳي بک سبب اکيون کوليون، جنهن تي مون پنهنجي نوڪر کي چيو ته ماني ڏي.سنجي دت ڳالهه جاري رکندي چيو ته نوڪر منهنجي ڳالهه ٻڌي روئڻ لڳو ۽ چيو ته تون ٻن ڏينهن کان سمهي رهيو آهين.اداڪار وڌيڪ چيو ته ان ڏينهن مون کي احساس ٿيو ته لت ڪيتري خراب آهي، مون فيصلو ڪيو ته هاڻي هر قسم جي لت کان ڇوٽڪارو حاصل ڪندس.واضح رهي ته سنجي دت کي منشيات جي عادت سبب ڦڦڙن جو ڪينسر ٿيو هو، جنهن بعد سندس علاج ڪرايو ويو هو ۽ هاڻي هو صحتياب ٿي ويو آهي.
