ڪراچي(اسٽاف رپورٽر) سنڌ اسيمبلي ۾ وياج خورن خلاف بل پيش ڪيو ويو آهي.اهو بل صوبائي وزير سعيد غني اسيمبلي ۾ پيش ڪيو جنهن کانپوءِ ان کي اسٽينڊنگ ڪميٽي ڏانهن اماڻيو ويو.پي ٽي آءِ جي خرم شير زمان سوال ڪيو ته ڇا هي بل به بئنڪن خلاف آهي؟ سعيد غني چيو ته اسٽيٽ بئنڪ ڪمرشل بئنڪن سان ڊيل ڪري ٿي، ان لاءِ قانون سازي نٿا ڪري سگهون.جنهن بعد سنڌ اسيمبلي جو اجلاس سومر 13 فيبروري تي صبح 10 وڳي تائين ملتوي ڪيو ويو.
