ڪراچي(ويب ڊيسڪ)بالي ووڊ جي مشهور اداڪارا دپيڪا پڊوڪون مڙس اداڪار رنوير سنگهه کان طلاق جي خبر تي خاموشي ٽوڙي ڇڏي آهي. ڪالهه، دپيڪا پڊڪون برطانوي شاهي خاندان جي ننڍي ننهن ۽ آمريڪي اداڪارا ميگهن مارڪل جي پوڊ ڪاسٽ ۾ بطور مهمان شرڪت دوران هن پنهنجي ذاتي زندگي بابت ڳالهه ٻولهه ڪئي. اداڪارا جو چوڻ هو ته رنوير سنگهه هڪ هفتي کان ميوزڪ فيسٽيول ۾ مصروف هو ۽ اڄ واپس آيو آهي، مون سان ملي، منهنجو چهرو ڏسي تمام گهڻو خوش ٿيندو. دپيڪا انهن سڀني افواهن کي بي بنياد قرار ڏيندي چيو ته اسان ٻنهي جي وچ ۾ سڀ ڪجهه ٺيڪ آهي ۽ اسان گڏ آهيون. واضح رهي ته دپيڪا پڊوڪون ۽ رنوير سنگهه 14 نومبر 2018ع تي شادي ڪئي هئي.
