ڪراچي(ويب ڊيسڪ) سامسنگ ۽ شيامي دنيا ۾ ٻه سڀ کان وڏيون سمارٽ فون ڪمپنيون آهن، انهن جي ڊوائيسز سڀ کان وڌيڪ وڪرو ٿين ٿا. ڇا توهان کي خبر آهي ته دنيا ۾ سڀ کان وڌيڪ وڪرو ٿيندڙ سمارٽ فون ڪهڙو آهي؟ اوهان يقين نه ڪندا ته دنيا ۾ سڀ کان وڌيڪ وڪرو ٿيندڙ سمارٽ فون هنن ٻنهي ڪمنين جو ناهي. ان معاملي بابت ڊيٽا گڏ ڪندڙ ڪمپني ڪائونٽر پورٽ جي رپورٽ ۾ سڀ کان وڌيڪ وڪرو ٿيندڙ 10 فونز جي ڊيٽا جاري ڪئي آهي. دنيا ۾ 10 وڌيڪ وڪامندڙ فونز دنيا جي ٽوٽل موبائل فونز جي بزنس جو 19 سيڪڙو حصوآهي. رپورٽ موجب ايپل جو آئي فون 12، 2021 ۾ سڀ کان وڌيڪ وڪرو ٿيندڙ سمارٽ فون هو. دنيا ۾ سڀ کان وڌيڪ وڪرو ٿيندڙ 10 فونز مان 7 فونز آئي فون جا مختلف ماڊل آهن. وڌيڪ تفصيل ڏسڻ لاءِ هتي ڪلڪ ڪريو.
