لاهور (ويب ڊيسڪ) لاهور هاءِ ڪورٽ حڪومت کي سموگ تي ضابطو آڻڻ لاءِ سنجيده قدم کڻڻ جي هدايت ڪئي.لاهور هاءِ ڪورٽ سموگ تي ضابطو آڻڻ لاءِ داخل درخواستن جي ٻڌڻي ڪئي جنهن ۾ مختلف سرڪاري کاتن پنهنجون رپورٽون عدالت ۾ جمع ڪرايون، جڏهن ته پي ايڇ اي وڻن جي پيوندڪاري سان لاڳاپيل ضابطا عدالت ۾ جمع ڪرايا.لاهور هاءِ ڪورٽ حڪم ڏنو ته جوڊيشل واٽر ڪميشن ضابطن جو جائزو وٺي ضروري ترميمون ڪري.جسٽس شاهد ڪريم چيو ته غير مقامي وڻ لاهور جي ماحول کي نقصان پهچائي رهيا آهن، سڄي سال جو سموگ هڪ مهيني ۾ ايندو آهي ۽ سڄي سال جي محنت هڪ مهيني ۾ ضايع ٿي ويندي آهي.ان تي جوڊيشل واٽر ڪميشن چيو ته 11 هزار وڻ ڪٽڻ جو منصوبو روڪيو ويو آهي.لاهور هاءِ ڪورٽ چيو ته ملڪ ۾ هوائي آلودگي خطرناڪ حد تائين وڌي وئي آهي، ڊبليو ڊبليو ايف جون سفارشون به حاصل ڪيون وڃن.عدالت حڪومت کي سموگ تي ضابطو آڻڻ لاءِ سنجيده قدم کڻڻ جي هدايت ڪئي ۽ ايندڙ ٻڌڻي تي سرڪاري کاتن کان عملدرآمد رپورٽون طلب ڪيون.
