مظفر آباد (ويب ڊيسڪ)گڏيل عوامي ايڪشن ڪميٽي آزاد ڄمون ۽ ڪشمير ۾ هڙتال ۽ احتجاج ختم ڪرڻ جو اعلان ڪري ڇڏيو.ان حوالي سان جوائنٽ پبلڪ ايڪشن ڪميٽي جو چوڻ آهي ته حڪومت گذريل ڏينهن احتجاج ڪندڙن جا سمورا مطالبا تسليم ڪري ورتا آهن.آزاد ڄمون ۽ ڪشمير ۾ جوائنٽ پبلڪ ايڪشن ڪميٽي پاران احتجاجي تحريڪ ختم ڪرڻ جي اعلان کانپوءِ اڄ پنجين ڏينهن به ٽرانسپورٽ جزوي طور تي بحال آهي.مختلف ضلعن مان لانگ مارچ ۾ شريڪ ڪارڪنن واپس پنهنجن علائقن ڏانهن روانا ٿي ويا.جوائنٽ پبلڪ ايڪشن ڪميٽي جي ترجمان موجب احتجاجي تحريڪ دوران 3 ڄڻن جي شهادت تي اڄ سوڳ جو ڏهاڙو ملهايو پيو وڃي، مظفرآباد ۾ سمورا نجي ۽ سرڪاري تعليمي ادارا بند آهن.جوائنٽ عوامي ايڪشن ڪميٽي جي ترجمان جو چوڻ آهي ته مطالبن جي مڃتا کانپوءِ احتجاجي تحريڪ ختم ڪئي وئي، اڄ 3 وڳي تائين ڪاروباري مرڪز، بازارون ۽ دڪان بند رهندا. آزاد ڪشمير جي مختلف ضلعن ۾ انٽرنيٽ سروس معطل ۽ ڪجهه هنڌن تي متاثر آهي، جنهن سبب شهرين کي ڏکيائين کي منهن ڏيڻو پئجي رهيو آهي.آزاد ڪشمير بار ڪائونسل جي سڏ تي وڪيلن عدالتي ڪارروائي جو بائيڪاٽ ڪيو
