اسلام آباد )بيورو رپورٽ) جسٽس منصور علي شاهه ۽ جسٽس اطهر من الله کي 27 هين آئيني ترميم کانپوءِ استعيفيٰ ڏيڻ کان پوءِ ترتيبوار 161 ملين ۽ 154 ملين رپين کان وڌيڪ جي بدلي ٿيل پينشن ملي آهي.ذريعن موجب، ٻئي رٽائرڊ جج ماهوار پينشن جي طور تي ترتيبوار 1.1 ملين ۽ 1.2 ملين رپين کان وڌيڪ وصول ڪري رهيا آهن.قانون واري وزارت گهر جو ڪرايو 3.5 ملين رپيا ۽ سپيريئر جوڊيشل الائونس 1.1 ملين رپين کان وڌيڪ ڪيو هو. جسٽس منصور علي شاهه 16 سال جڏهن ته جسٽس اطهر من الله 11 سالن کان وڌيڪ خدمتون سرانجام ڏنيون. ٻنهي 27 هين آئيني ترميم جي منظوري کان پوءِ استعيفيٰ ڏني. ٻئي رٽائرمينٽ کان پوءِ به پنهنجين زالن لاءِ طبي، رهائش ۽ ٻيون سهولتون ۽ فائدا حاصل ڪري رهيا آهن.معتبر ذريعن کان مليل معلومات موجب، ٻنهي اڳوڻي ججن جي ماهوار پينشن جي تفصيل هن ريت آهي: جسٽس اطهر من الله جي ڪل ماهوار پينشن 1,220,381 رپيا آهي، جنهن ۾ ڊرائيور پينشن 91,258 رپيا، خاص اضافي پينشن 84,885 رپيا ۽ طبي الائونس الائونس شامل آهن.جسٽس منصور علي شاهه جي ڪل ماهوار پينشن 1,135,496 رپيا آهي، جنهن ۾ ڊرائيور پينشن 91,258 رپيا ۽ طبي الائونس 45,799 رپيا ۽ 11,450 رپيا شامل آهن.ان کان علاوه، “سپريم ڪورٽ ججز آرڊر 1997” جي تحت، ٻنهي اڳوڻي ججن کي رٽائرمينٽ کان پوءِ به اضافي فائدا ڏنا ويا آهن، جن ۾ طبي، رهائش جون سهولتون، مڪمل اسٽاف، يوٽيلٽي بلن جي حد، سرڪاري گاڏي ۽ ايندھن، سيڪيورٽي ۽ استثنيٰ، فليگ پروٽوڪول ۽ زالن لاءِ فائدا شامل آهن.اهو قابل ذڪر آهي ته گذريل سال نومبر ۾، وفاقي حڪومت اعليٰ عدليه جي ججن جي پگهارن ۽ الائونسز ۾ نمايان اضافو ڪيو هو.قانون ۽ انصاف واري وزارت پاران جاري ڪيل نوٽيفڪيشن موجب، سپريم ڪورٽ جي ججن جي هائوس رينٽ کي 68,000 رپين کان وڌائي 350,000 رپيا ڪيو ويو آهي، جڏهن ته سپريم ڪورٽ جي ججن جو “سپيريئر جوڊيشل الائونس” 428,040 رپين کان وڌائي 1,161,163 رپيا ڪيو ويو آهي.جسٽس منصور علي شاهه ڪل 16 سال، هڪ مهينو ۽ 26 ڏينهن جج طور خدمتون سرانجام ڏنيون، جڏهن ته جسٽس اطهر من الله 11 سال، چار مهينا ۽ 24 ڏينهن خدمتون سرانجام ڏنيون.نومبر 2025 ۾، جسٽس منصور علي شاهه ۽ جسٽس اطهر من الله 27 هين آئيني ترميم جي خلاف احتجاج طور سپريم ڪورٽ مان استعيفيٰ ڏئي ڇڏي. ٻنهي ججن جو خيال هو ته هن ترميم سپريم ڪورٽ جي اختيارن کي مؤثر طور تي “ڪمزور” ڪيو آهي. موجوده حڪومت ٻنهي ججن جي استعيفائن کي وڏي پيماني تي تنقيد ۽ حقارت سان رد ڪري ڇڏيو آهي، انهن کي اصولي موقف جي بدران ذاتي يا سياسي ردعمل قرار ڏنو آهي.صدر آصف علي زرداري 14 نومبر 2025 تي باضابطه طور تي انهن جا استعيفيٰ قبول ڪيا. هيٺ سپريم ڪورٽ کان پوءِ رٽائرڊ ججن کي فراهم ڪيل فائدن ۽ سهولتن جي فهرست آهي. رٽائرڊ جج پنهنجون استعمال ٿيل سرڪاري گاڏيون گهٽ قيمت تي خريد ڪري سگهن ٿا، ۽ انهن کي اسٽاف ڪار يا ڊرائيور/آرڊرلي پڻ فراهم ڪئي ويندي آهي.
