اسلام آباد(بيورو رپورٽ)اسلام آباد هاءِ ڪورٽ توهين عدالت جي درخواست تي پي ٽي آءِ چيئرمين ۽ اڳوڻي وزيراعظم عمران خان کي نوٽيس جاري ڪري ڇڏيا آهن.اسلام آباد هاءِ ڪورٽ جي چيف جسٽس عامر فاروق توهين عدالت جي درخواست تي ٻڌڻي ڪئي.اي سي شاليمار جڊيشل ڪمپليڪس ۾ توهين عدالت جي درخواست داخل ڪئي هئي.درخواستگذار جو وڪيل راجا رضوان عباسي عدالت ۾ پيش ٿيو.عدالت اهو ڪيس گم ٿيل فائل ڪيس سان ڳنڍيندي آءِ جي ۽ اسلام آباد انتظاميا کان امن امان جي صورتحال تي رپورٽ طلب ڪري ورتي.درخواست ۾ موقف اختيار ڪيو ويو ته عدالتي حڪم هو ته چيئرمين پي ٽي آءِ عمران خان امن امان جي صورتحال پيدا نه ڪندو پر هن عدالتي حڪم جي ڀڃڪڙي ڪئي.درخواست ۾ موقف اختيار ڪيو ويو ته پي ٽي آءِ ڪارڪنن پوليس ۽ جڊيشل ڪمپليڪس تي پٿراءُ ڪيو، جنهن سبب پوليس اهلڪار زخمي ٿي پيا.درخواست ۾ چيو ويو آهي ته پوليس عدالتي حڪم تي سڪيورٽي جا انتظام ڪيا هئا، جڏهن ته عمران خان 17 مارچ جي عدالتي حڪم تي به عمل ناهي ڪيو.درخواست ۾ استدعا ڪئي وئي آهي ته عمران خان کي طلب ڪري قانون موجب ڪارروائي ڪئي وڃي.سپريم ڪورٽ ڪيس جي ٻڌڻي 7 اپريل تائين ملتوي ڪري ڇڏي.
