اسلام آباد(بيورو رپورٽ) برطانوي هاءِ ڪمشنر ڊاڪٽر ڪرسچن ٽرنر زرداري هائوس تي پيپلز پارٽي جي چيئرپرسن بلاول ڀٽو زرداري سان ملاقات ڪئي. ملاقات ۾ ٻنهي ملڪن ۾ تجارتي تعلقات وڌائڻ سميت گڏيل دلچسپي جي معاملن تي ڳالهه ٻولهه ڪئي وئي.بلاول ڀٽو جيڪو صبح ڪراچي ۾ هو ۽ پنهنجي والدو جي 68 هين سالگره جي تقريب ۾ شريڪ هو خصوصي جهاز ذريعي اسلام آباد پهتو. زريعن جو چوڻ آهي ته مختلف سفارتڪار خاص ڪري آمريڪا ۽ برطانيا جا هلندڙ سال سيپٽمبر ۾ افغانستان مان آمريڪي فوجين جي نڪرڻ بعد پيدا ٿيندڙ صورتحال بابت مشورا ڪري رهيا آهن.
