ڪراچي)اسٽاف رپورٽر) سنڌ جي سينئر وزير شرجيل ميمڻ چيو آهي ته جيڪڏهن ڪراچي ۾ برسات وقفي وقفي سان ٿئي ها ته ايترا مسئلا پيدا نه ٿين ها.ڪراچي ۾ پريس ڪانفرنس ڪندي شرجيل ميمڻ چيو ته شهر کي ڏيڍ ڪلاڪ تائين برسات پوڻ کان پوءِ شهري ٻوڏ جو منهن ڏسڻو پيو. جيڪڏهن برسات وقفي وقفي سان ٿئي ها ته ايترا مسئلا نه ٿين ها.هن چيو ته سنڌ جو وڏو وزير، ڪمشنر ۽ عملو ڪراچي جي ميئر مرتضيٰ وهاب سان گڏ روڊن تي نظر آيو. انهن ڏينهن رات ڪم ڪيو ۽ شهر جو دورو ڪيو.سينئر وزير چيو ته سنڌ حڪومت شهرين کي پيش ايندڙ تڪليفن تي معافي به ورتي. ميونسپل ڪارپوريشن اڳواٽ ئي مرڪزي برساتي نالن کي صاف ڪيو هو، پر جڏهن پاڻي جو مقدار وڌيڪ هوندو ته ان کي نيڪال ڪرڻ ۾ وقت لڳندو. برساتي پاڻي جي نيڪال لاءِ انڊر پاسز تي مشينري لڳائي وئي هئي.هن وڌيڪ چيو ته اسان سڀني کي ماڻهن جي تڪليفن جو احساس آهي، پر اهو لڳي ٿو ته اسان سان به زيادتي ڪئي پئي وڃي. شهر ۾ گهڻيون موتون بجلي جي ڪرنٽ ۽ ڪجهه ڀتين جي ٽٽڻ سبب ٿيون.شرجيل ميمڻ چيو ته تازين برساتن ۾ سڀ کان وڌيڪ لاپرواهي بجلي ڪمپني ۾ نظر آئي، مختلف علائقن ۾ 48 ڪلاڪن تائين بجلي جي فراهمي معطل رهي، حيدرآباد ۾ حيسڪو نااهل هو، جنهن لاءِ ناصر حسين شاهه سڀني سان رابطي ۾ آهي.هڪ سوال جي جواب ۾ هن چيو ته سنڌ ۾ ڪو ٻيو صوبو نه ٺهندو، نوان انتظامي يونٽ ٺاهڻ جو معاملو اڃا تائين هڪ مفروضو آهي، اسان مفروضن تي جواب نه ڏينداسين، جڏهن اهو معاملو سامهون ايندو ته اسان جي پارٽي ان تي صلاح مشورو ڪندي، صلاح مشوري کان پوءِ جيڪو نڪرندو اهو سڀني کي ٻڌايو ويندو.
