ٽنڊو محمد خان (مظفر علي بروهي)سنڌ يونائيٽيڊ پارٽي طرفان سکر کان ڪراچي ڏانهن سنڌ مارچ پيادل قافلو بلڙي شاھ ڪريم جي وسندي پهچڻ تي قومپرست ، سياسي سماجي ، ادبي تنظيمن طرفان شاندار آجيان ، گلن جي ورکا ، قومي گيتن تي ڀيٽا ، سنڌ يونائيٽيڊ پارٽي طرفان سنڌ دشمن منصوبن ، ڊجيٽل آدمشماري ، سنڌ ۾ ڌارين جي آبادڪاري ، مهانگائي ، بيروزگاري ، بدامني ، صوبائي حڪومت جي غلط پاليسين جي خلاف سکر کان ڪراچي ڏانهن نڪتل سنڌ مارچ ايس يو پي جي مرڪزي اڳواڻ روشن ٻرڙو ، امير آزاد پنهور ، عيدن جاگيراڻي ، خدابخش ٿيٻو ، بابل لطيف کوسو ، حاڪم مستوئي ، ، زين ڀٽو ، زيب جتوئي ، دريا خان لغاري ، ذوهيب لاکو ۽ ٻين جي اڳواڻي ۾ بلڙي شاھ ڪريم جي ڳوٺ ڏاڏا سائين ۾ رات ترسڻ کانپوءِ پيادل سفر شروع ڪندي بلڙي شاھ ڪريم روڊ کان اڳتي وڌي ڏتا واھ ، جاڙا واھ کانپوءِ بلڙي شاھ ڪريم شهر جي نگري ۾ قافلو پهچي ويو ، جتي سوين قومي ڪارڪنن ، قومپرست پارٽين ، سياسي سماجي اڳواڻن گلن جي ورکا سان شاندار آجيان ڪئي ، اجرڪن ٽوپين جا تحفا پيش ڪيا ، انهي موقعي تي اڳواڻن چيو ته سنڌ دشمن منصوبن ، ڊجيٽل آدمشماري جي ذريعي ڌرتي واسين کي پنهنجي ڌرتي تان بي دخل ڪرڻ لاءِ کين اقليت ۾ تبديل ڪرڻ جي سازش سميت سنڌ ۾ پاڻي جي کوٽ ، پ پ جي غلط پاليسين رٿابندين ، ڪرپشن ، ترقياتي ڪم مڪمل نه ڪرڻ ، مهانگائي ، بيروزگاري جي خلاف پيادل مارچ جو قافلو پنهنجي منزل تي روان دوان ٿي سنڌ جي راجڌاني واري شهر ڪراچي ۾ ڀرپور پنهنجو احتجاج واري جمهوري حق استعمال ڪندو ، 19 مارچ تي سڄي سنڌ مان قافلا سنڌ مارچ ۾ شامل ٿي پنهنجي قومي وجود کي بچائڻ لاءِ ڪراچي ۾ قومي ٻڌي جو ثبوت پيش ڪندا ، هنن چيو ته پيپلز پارٽي جي هاڻي سنڌ دشمن سياست سنڌ جي عوام آڏو کلي ويئي آهي ، جنهن جي ڪري ايندڙ اليڪشن ۾ پيپلز پارٽي کي سنڌ جو عوام سڄي سنڌ مان نه صرف شڪست ڏيندو پر سندن سنڌ دشمن عملن کي هاڻي برداشت نه ڪندو ، بلڙي شاھ ڪريم ۾ رات ترسڻ کانپوءِ وري پيادل سنڌ مارچ قافلو بٺوري ڏانهن روانو ٿيندو .
