اسلام آباد(بيورو)پاڪستان تحريڪ انصاف جي اڳواڻ فواد چوڌري جو چوڻ آهي ته پرڏيهه ۾ رهندڙ ۽ عام پاڪستاني اسان کي فنڊنگ ڏيندا آهن ۽ اسان فنڊنگ جو اهو سلسلو جاري رکنداسين.سوشل ميڊيا تي جاري ڪيل بيان ۾ فواد چوڌري چيو ته حڪمران اتحاد پاڻ هڪ مافيا آهي جڏهن ته تحريڪ انصاف فنڊنگ لاءِ ڪنهن مافيا تي انحصار نه ڪندي آهي، پرڏيهه ۾ رهندڙ پاڪستاني ۽ عام پاڪستاني تحريڪ انصاف کي فنڊ ڏيندا آهن ۽ اهو سلسلو جاري رکنداسين. فنڊنگ جو طريقو. رکيو ويندو.فواد چوڌري وڌيڪ چيو ته اليڪشن ڪميشن ٽنهي پارٽين جي فنڊنگ جو فيصلو گڏجي جاري ڪري ته جيئن ماڻهو مقابلو ڪري سگهن.پي ٽي آءِ اڳواڻ پنهنجي ٽوئيٽ ۾ لکيو ته موجوده حڪومتي اتحاد جي اوورسيز پاڪستانين سان نفرت سمجھ کان ٻاهر آهي، اوورسيز پاڪستانين جي ووٽنگ جو حق ختم ڪيو ويو آهي، هاڻي تحريڪ انصاف کي فنڊنگ ڪندڙ پاڪستانين خلاف مهم هلائي پئي وڃي.اڳوڻي وفاقي وزير چيو ته اسان جي لاءِ اوورسيز پاڪستاني اسان جي معيشت ۾ ريڙهه جي هڏي آهن.
