سيٺارجا(سجاد علي ڪٻر) هنڱورجا پوليس 14 ڏينهن اڳ مبينه طور تي شهر جي لاڙڪ محلي ۾ اغوا ٿيل شادي شده ناري مسمات ڪومل زال گلاب علي لاڙڪ کي رسول آباد بس اسٽاپ وٽان هٿ ڪري ورتو. جنهن کي سيشن ڪورٽ خيرپور ۾ بيان لاءِ پيش ڪيو ويو ليڪن ان جو بيان نه ٿي سگهيو ۽ ڪورٽ ناري کي وومين پوليس خيرپور حوالي ڪندي هنڱورجا پوليس کي هدايت ڪئي ته ناري کي ٻيهر 16 گسٽ تي بيان لاءِ عدالت ۾ پيش ڪيو وڃي ورتل ڄاڻ موجب 27 جولاءِ تي ناري ڪومل جي ڀاءُ دلدار لاڙڪ پاران هنڱورجا ٿاڻي تي ڪيس داخل ڪرايو ويو هيو ته جوابدار راجا شيخ ، بخش علي ۽ طالب شيخ سندس ڀيڻ کي زبردستي جنسي حوس جو نشانو بنائڻ جي ارادي سان اغوا ڪري ويا آهن جنهن کي اڄ پوليس بازياب ڪرائي ورتو آهي جڏهن ته ڪيس ۾ ملوث ڄاڻايل جوابدار اڳ ۾ ئي پوليس جي حراست ۾ آهن.
