اسلام آباد (بيورو رپورٽ)خيبر پختونخواهه ۾ تيز برساتن ۽ ٻوڏ سبب جاني نقصان جي ڪري، اڄ ۽ سڀاڻي اسلام آباد ۾ ٿيندڙ ميرڪا حق ۽ جشن آزادي جون تقريبون ملتوي ڪيون ويون آهن.اطلاعات واري وزير عطا تارڙ جي هدايتن تي، ايف-9 پارڪ ۾ منعقد ٿيندڙ پروگرام ملتوي ڪيو ويو آهي. اعلان ۾ چيو ويو آهي ته هي فيصلو متاثر ماڻهن سان يڪجهتي جو اظهار ڪرڻ ۽ امدادي سرگرمين تي ڌيان ڏيڻ لاءِ ڪيو ويو آهي. ٻئي طرف، خيبر پختونخواهه جي وڏي وزير علي امين گنڊاپور اڄ سڄي صوبي ۾ سوگ جو اعلان ڪيو آهي، ۽ صوبي ۾ قومي جهنڊو اڌ جهڪيل رهندو.خيبر پختونخواهه جي وڏي وزير علي امين گنڊاپور چيو آهي ته امدادي سامان کڻي ويندڙ صوبائي حڪومت جو هيليڪاپٽر خراب موسم سبب باجوڙ ۾ ڪري تباهه ٿي ويو.
