اسلام آباد(بيورو) وزيراعظم جي خاص مددگار عطاءُ تارڙ پنجاب حڪومت کي خبردار ڪيو آهي ته جيڪڏهن (ن) ليگ جي ڪنهن به ميمبر کي گرفتار ڪيو ويو ته سڀني کي گرفتار ڪيو ويندو. اسلام آباد ۾ ميڊيا سان ڳالهائيندي عطاءَ تارڙ چيو ته ڪالهه بادشاه سلامت چيو هو ته هو شهباز گل سان ملڻ چاهي ٿو، هن ملڪ مان لٺن جي سياست ختم ٿيڻ گهرجي. هن چيو ته شهباز گل ڪيس جو بدلو وٺڻ جي ڪوشش ڪئي پئي وڃي، پنجاب حڪومت شهباز گل کان بدلو وٺڻ لاءِ اسان تي ايف آءِ آر داخل ڪئي، جيڪڏهن (ن) ليگ جو ڪو به ميمبر گرفتار ٿيو ته سڀني کي گرفتار ڪيو ويندو. عطاءُ تارڙ چيو ته پوليس اسان جي اسيمبلي ميمبرن جي گهرن تي ڇاپا هڻي قيمتي سامان ڦري رهي آهي، پنجاب ۾ پرويز الاهي جي حڪومت آهي ۽ پوليس اسيمبلي ميمبرن جي گهرن ۾ ڦرون به ڪري رهي آهي، انهن خلاف ڪيس داخل ڪيا پيا وڃن. (ن) ليگ جا ميمبر پرويز الاهي جن وٽ ڪو به سرڪاري عهدو نه آهي اهي لاڏلا سڄو ڏينهن آرڊر جاري ڪندا رهندا آهن، جنهن سان پنجاب جي وڏي وزير عمران خان جي قوم مخالف بيان کي هٿي ملندي. خاص مددگار وڌيڪ چيو ته ڊپٽي اسپيڪر جا وار ڪيرائيندڙن خلاف ڪارروائي ٿيڻ گهرجي.
