ڇور(ن سنڌيار) پاڪستان جي آرمي چيف جنرل قمر جاويد باجوا ڇور ۾ جنگي مشقن واري علائقي جو دورو ڪيو ۽ آپريشنل تيارين جو معائنو ڪيو. فوجي ترجمان موجب ‘جدار الحديد’ جنگي مشق جاري آهي جنهن جو آرمي چيف جائزو ورتو ۽ فوجي مهارت تي اطمينان جو اظهار ڪيو.
آرمي چيف چيو ته امن جي زماني ۾ آپريشن جي تياريون ئي امن جي ضمانت هوندي آهي. کيس ٻڌايو ويو ته ٻن هفتن کان فوجي جوان ريگستاني علائقي ۾ پنهنجي مهارت جو مظاهرو ڪندي پريڪٽس ڪري رهيا آهن ۽ هنن سخت حالتن ۾ پاڻ کي مڃرايو آهي.
