ڪراچي (رپورٽ باغي ساگر پنهوار) ڪي اليڪٽرڪ ۽ حيسڪو کي بجلي فراهم ڪندڙ اين ٽي ڊي سي جي سوئچ يارڊ تي آسماني بجلي ڪرڻ سبب ڪراچي جي بيشتر علائقن سميت حيدرآباد جي آس پاس جي ڪيترن کي ضلعن ۾ بجلي جو ڊگهو بريڪ ڊائون ٿيو. ڪيترن ڪلاڪن بعدي بجلي جزوي طور بحال ڪئي وئي. ڪراچي شهر جي مختلف علائقن ۾ هلڪي برسات کانپوءِ ڪيتئرن ئي علائقن جي بجلي بند ٿي وئي آهي. اختر ڪالوني، قيوم آباد، ڪورنگي، ڊفينس، ڪلفٽن، نارٿ ناظم آباد، گلشن اقبال، گلستان جوهر، صدر، نيو ڪراچي ۽ ٻين علائقن ۾ برسات پوڻ سان شهر ۾ گرمي جو زور ٽٽي ويو. شهر ۾ هلڪي برسات پوندي ئي ڪي اليڪٽرڪ جا 15سئو کان مٿي فيڊرز ٽرپ ڪري ويا، جنهن جي نتيجي ۾ اڌ شهر جي بجلي بند ٿي وئي. حسن ڪي اليڪٽرڪ جو چوڻ آهي ته ڄامشورو هاءِ ٽينشن لائن ٽرپ ٿيڻ سان سسٽم ويهجي ويو، بجلي جي بحالي جو ڪم جاري آهي.
