چين ۾ ٻار پڙهائڻ لاءِ روبورٽ تيار، ٻارن جي تعليم ۾ دلچسپي

بيجنگ (م ڊ) چين جي اسڪولن ۾  هاڻي استادن جي  جاءِ  روبوٽس وٺي چڪو آهي. جيڪو ٻارڙن کي سبق پڙهائيندو ۽ سکيا ڏيندو. ٽيڪنالاجي جي هن دور ۾ روبوٽس ڪيترن ئي شعبن ۾ عام  ٿي رهيا آهن ۽ گهريلو ڪم ڪار کان وٺي مسينون هلائڻ جو ڪم روبوٽ ڪري رهيا آهن. روبوٽس جنگي ميدان کان وٺي هوٽل انڊسٽري سميت مختلف ڪم ڪار لاءِ استعمال ڪيا پيا وڃن، اهو پهريون موقعو آهي ته روبوٽ کان درس تدريس جو ڪم به ورتو پيو وڃي.  چين ۾ ڪنڊر گارٽن يعني شروعاتي ڪلاسن لاءِ تربيت يافته انساني استادن جي کوٽ سبب روبوٽ ايجاد ڪيو ويو آهي.
بنگو ناليهي استاد روبورٽ مختلف اسڪولن ۾ مقرر ڪيا ويا آهن،  جيڪي ٻارن کي انگريزي ، سائنس ۽ رياضي جي مضمون جي تعليم ڪاميابي سان ڏئي رهيا آهن. ٻارڙا پڻ روبوٽ استادن مان خوش آهن ۽ تعليم ۾ دلچسپي وٺي رهيا آهن. واضح رهي ته چين دنيا ۾ مصنوعي ذهانت جي شعبي ۾ ٽن سالن کان لڳاتار دنيا ۾ سڀني کان اڳتي آهي.

پهنجو تبصرو موڪليو