چمن(ويب ڊيسڪ)بلوچستان جي ضلعي چمن ۾ پاڪستان ۽ افغانستان وچ ۾ ٻه طرفي واپار ۽ پيدل ٽريفڪ 7 ڏينهن کانپوءِ بحال ٿي وئي آهي.ڪسٽم اختيارين موجب باب الستي ۾ ڪسٽم ڪليئرنگ ۽ اميگريشن آپريشن ٻيهر شروع ڪيو ويو آهي.ڪسٽم عملدارن چيو آهي ته وچ ايشيا ڏانهن پاڪستاني تازي ميون جي برآمد به دوستي جي باب ذريعي بحال ڪئي وئي آهي.افغانستان مان ٽماٽن ۽ پياز جي برآمد 7 ڏينهن جي وقفي کانپوءِ ٻيهر شروع ٿي وئي آهي.دوستي جي باب جي ٻنهي پاسن تي پاڪستاني ۽ افغان سيڪيورٽي فورسز هاءِ الرٽ آهن.دوستي جو باب کولڻ کانپوءِ پاڪ افغان بارڊر فورسز هڪ ٻئي سان هٿ ملايو.واضح رهي ته چمن جي علائقي باب دوستي تي افغان بارڊر تان فائرنگ جي نتيجي ۾ هڪ پاڪستاني اهلڪار جي شهادت کانپوءِ سرحد تي ڇڪتاڻ واري صورتحال پيدا ٿي وئي هئي.ڇڪتاڻ سبب پاڪستان-افغان سرحد هر قسم جي ٽريفڪ ۽ واپار لاءِ بند ٿي وئي، جنهن سبب سرحد جي ٻنهي پاسن تي هزارين پاڪستاني ۽ افغان شهري ڦاٿل رهيا.
