مبارڪپور ( رپورٽ محمد عثمان مھر )شهر جي مهر محلا جو رهواسي مبارڪپور ٿاڻي جو پوليس جمعدار 47 سالن جو ممتاز مهر ڊيوٽي دوران دل جو دورو پوڻ سبب فوت، گهر ۾ ڪهرام، جنازي نماز ۾ شهر جي سياسي، سماجي، مذهبي اڳواڻ صحافين سميت سوين شهرين جي شرڪت، اباڻي قبرستان ۾ مٽي ماءُ حوالي ڪيو ويو . مرحوم کي 2 گهرواريون 5 پٽن ۽ 3 ڌيئرن جي اولاد آهي ، ايس ايڇ او مبارڪپور انيس شيخ جو چوڻ هو ته مرحوم پوليس اهلڪار هڪ بهترين انسان هو، ۽ هن پنهنجي ڊيوٽي ۾ ڪڏهن به غفلت نه ڪئي ۽ هو هڪ دلير اهلڪار هو. ياد رھي ته ممتاز مھر جو وڏو ڀاء حفيظ الله مھر به پوليس اهلڪار ھو جيڪو ڪچو ٻنڊي ۾ ڌاڙيلن سان مقابلي ۾ شھيد ٿي ويو ھو.
