گهوٽڪي (ن س) فيصل آباد واسي مرشد سان شادي ڪندڙ گهوٽڪيءَ جي ناري مڙس جي حق ۾ بيان ڏئي ڇڏيو. مڙس طرفان بانڊ جمع نه ڪرائڻ سبب ناريءَ کي دارالامان موڪليو ويو.گهوٽڪيءَ جي ڪُٽنبي عدالت ۾ پسند جي شادي ڪندڙ ناري ربل خاتون مهر ۽ سندس مرشد ربنواز شاهه کي پيش ڪيو ويو. عدالت ۾ ناري مرشد جي حق ۾ بيان ڏنو ۽ چيو ته کيس ڪنهن به اغوا ناهي ڪيو، ربنواز سندس مرشد آهي ۽ ساڻس رضا خوشيءَ سان شادي ڪئي آهي. ناري عدالت ۾ بيان ڏنو ته هوءَ وارثن بدران پنهنجي مڙس سان گڏ رهڻ گهري ٿي.عدالت بيان بعد ناريءَ کي مڙس حوالي ڪيو ۽ ربنواز شاهه کي 10 لک رُپين جو بانڊ جمع ڪرائڻ جو حڪم ڏنو. ربنواز شاهه بئنڪ جو وقت پورو ٿيڻ سبب بانڊ جمع نه ڪرائي سگهيو، جنهن کانپوءِ عدالت ناريءَ کي هڪ ڏينهن لاءِ دارالامان حوالي ڪري ڇڏيو.واضح رهي ته ناپر ڪوٽ ٿاڻي جي پوليس معمولي جي پئٽرولنگ دوران سرحد ٿاڻي جي رهواسڻ ناري ربل خاتون مهر ۽ صادق آباد واسي ربنواز شاهه کي هٿ ڪيو هو. جوڙي کي اڄ گهوٽڪي جي فيملي ڪورٽ ۾ پيش ڪيو ويو. پوليس موجب ربنواز شاهه طرفان 10 لک رُپين جو بانڊ جمع ڪرائڻ بعد ناري کي دارلامان مان ڪڍي سندس حوالي ڪيو ويندو.
