ڪراچي )اسٽاف رپورٽر)ايل پي جي جي اگهن ۾ واڌ کانپوءِ ملڪ ۾ مهانگائيءَ جو نئون طوفان اچي ويو، اٽو، گوشت، ڀاڄين ۽ دالين سميت عام واهپي جي شين جا اگهه وڌڻ لڳا.ڪيترن ئي شهرن ۾ اٽي ۽ دالين جي اگهن ۾ 50 رپيا، جڏهن ته ڪڪڙ جي گوشت جي اگهه ۾ 100 رپيا في ڪلو واڌ ٿي وئي. لاهور ۾ ايل پي جي جون اڪثر دڪان بند ٿي ويون. مختلف شهرن ۾ ايل پي جي 550 کان 650 رپيا في ڪلو تائين وڪرو ٿي رهي آهي. شهرين حڪومت کان مطالبو ڪيو آهي ته روزمرهه جي استعمال وارين شين جا اگهه گهٽائي عوام کي رليف ڏنو وڃي.
