راولپنڊي (ويب ڊيسڪ)پاڪ فضائيه جي سربراهه ظهير احمد بابر سِڌو راولپنڊي ۾ شهيد اسڪواڊرن ليڊر عثمان يوسف جي گهر جو دورو ڪيو ۽ سندس خاندان سان ملاقات ڪئي. هن شهيد جي خاندان سان تعزيت جو اظهار ڪيو ۽ شهيد جي بلند درجن لاءِ فاتحه خواني پڻ ڪئي.انٽر سروسز پبلڪ رليشنز (آءِ ايس پي آر) موجب، اسڪواڊرن ليڊر عثمان يوسف دشمن جي حملي دوران شهيد ٿي ويو.ايئر چيف مارشل ظهير احمد بابر سِڌو شهيد اسڪواڊرن ليڊر عثمان يوسف کي دشمن سان بهادري سان وڙهندي پنهنجي جان قربان ڪرڻ تي خراج تحسين پيش ڪيو.هن چيو ته اسان جي شهيدن جون خدمتون ۽ قربانيون هميشه قومي يادگيري جو حصو رهنديون، شهيدن کي وڏي عقيدت سان ياد رکيو ويندو.آءِ ايس پي آر موجب، ايئر چيف مارشل ظهير احمد بابر سِڌو سي ايم ايڇ راولپنڊي جو به دورو ڪيو. هن زخمي اهلڪارن جي همت ۽ عزم جي تعريف ڪئي.هن هدايت ڪئي ته زخمين کي بهترين طبي سهولتون ۽ انتظامي مدد فراهم ڪئي وڃي.ايئر چيف مارشل چيو ته پاڪستان هوائي فوج هر قيمت تي پياري وطن جي هوائي سرحدن جو دفاع ڪندي رهندي. پاڪستان هوائي فوج پنهنجي شهيدن جي بهادري ۽ قرباني جي عظيم روايتن کي زنده رکندي.
