ڪراچي (رپورٽر) ڪي اليڪٽرڪ ٽه ماهي فيول ايڊجسٽمنٽ جي مد ۾ نيشنل اليڪٽرڪ پاور ريگيوليٽري اٿارٽي کي واهپيدارن لاءِ بجلي في يونٽ 14 رپيا 53 پئسا مهانگي ڪرڻ جي درخاوست ڪئي آهي ڪي اليڪٽرڪ ٽه ماهي ۽ ماهوار فيول ايڊجسٽمنٽ جي مد ۾ ترتيبوار قيمت ۾ واڌ ۽ لاٿ جون ٻه الڳ الڳ درخواستون داخل ڪيون آهن ڪي اليڪٽرڪ پاران داخل ڪيل درخواست ۾ ٽه ماهي فيول ايڊجسٽمنٽ جي مد ۾ نيپرا کي بجلي 14 رپيا 53 پئسا في يونٽ مهانگي ڪرڻ لاءِ چيو ويو آهي ڪي اليڪٽرڪ پاران هي واڌ اپريل کان جون 2022 جي ٽه ماهي ايڊجسٽمنٽ جي مد ۾ گهري وئي آهي ڪي اليڪٽرڪ پاران داخل ٿيل ٻي درخواست ۾ جولاءِ جي ماهوار فيول ايڊجسٽمنٽ ۾ قيمت گهٽائڻ جي درخواست ڪئي وئي آهي ڪراچي کي بجلي سپلاءِ ڪندڙ ڪمپني جولاءِ جيماهوار فيول ايڊجسٽمنٽ جي مد ۾ بجلي 3 رپيا 47 پئسا في يونٽ سستي ڪرڻ لاءِ چيو آهي ڪي اليڪٽرڪ ماهوار فيول ايڊجسٽمنٽ جي مد ۾ شهرين کي 6 ارب 25 ڪروڙ رپين جو رليف ڏيڻ جي درخواست ڪئي آهي. نيپرا ڪي اليڪٽرڪ جي ٻنهي درخواستن تي 31 آگسٽ تي ٻڌڻي ڪندو.
