پرٿ(ويب ڊيسڪ)پاڪستان ڪرڪيٽ ٽيم جي مڊل آرڊر بيٽسمين افتخار احمد هڪ ڀيرو ٻيهر مٿس ڪيل تنقيد جو ذڪر ڪيو آهي.پرٿ ۾ ميڊيا سان ڳالهائيندي افتخار احمد چيو ته وڏين ٽيمن خلاف اسڪور ڪرڻ سان مورال بلند ٿيندو آهي ۽ ان اعتماد کي اڳتي وڌائڻو پوندو.هن چيو ته هر ميچ هڪ نئين ميچ هوندي آهي، هر ميچ ۾ ڪوشش هوندي آهي ته 100 سيڪڙو ڏينداسين ۽ ٽيم کي فتح ڏياري، هارائڻ کانپوءِ قدرتي طور تي دل ناراض ۽ غمگين هوندي آهي پر جنهن طريقي سان ڪپتان ۽ انتظاميا سهڪار ڪيو ان سان اعتماد پيدا ٿيو آهي؟ افتخار احمد چيو ته آسٽريليا ۾ هميشه بائونسي وڪيٽ هوندي آهي، هنن ان مطابق تياري ڪئي آهي، حارث رئوف اسان جو مشهور بالر آهي، اميد آهي ته هو هتي به بهتر بالنگ ڪندو.پنهنجي ايندڙ ميچ بابت ڳالهائيندي قومي مڊل آرڊر جي بيٽسمين جو چوڻ هو ته زمبابوي به هڪ انٽرنيشنل ٽيم آهي، ان خلاف کيڏڻ ڪنهن ٻئي خلاف کيڏڻ جهڙو آهي، پوري اعتماد سان کيڏڻ جي ڪوشش ڪندس، پاڪستان جا سمورا مڊل آرڊر رانديگر رنسون ٺاهڻ جا خواهشمند آهن هڪ سوال جي جواب ۾ افتخار احمد چيو ته ماڻهو چون ٿا ته مان سويپ نه ٿو ڪريان، هن ڀيري ان لاءِ پريڪٽس ڪري رهيو آهيان، مون کي اندازو آهي ته ان حالت ۾ سويپ ۽ ريورس سوئپ ڪم ايندو.افتخار احمد چيو ته مان تنقيد کي هميشه مثبت انداز ۾ وٺان ٿو ۽ پنهنجي ڪردار موجب ڊيليور ڪرڻ جي ڪوشش ڪندو آهيان، چاهي هڪ بال ڪريان يا 10 بالن تي، منهنجي ڪوشش آهي ته ٽيم لاءِ رنسون ٺاهيون، جڏهن به منهنجو موڙ ايندو آهي ته ڪوشش ڪندو آهيان ته پاڪستان کي فتح ڏيان. پاڻ تي تنقيد جي حوالي سان افتخار احمد چيو ته مان تنقيد ڪندڙن کي ڇا چوان، مون وٽ ڪو جواب ناهي، هر رانديگر جو پنهنجو انداز هوندو آهي، توهان ڪنهن کي به نٿا ٻڌائي سگهو ته ڪيئن کيڏجي، اعتماد ڏنو ويندو آهي.
