ڪراچي (اسٽاف رپورٽر) صوبائي وزير شرجيل انعام ميمڻ جو چوڻ آهي ته پيپلز بس سروس هلڻ شروع ٿي وئي آهي.هڪ بيان ۾ شرجيل ميمڻ چيو ته پيپلز بس سروس جو ڪرايو 25 رپين کان 50 رپين تائين هوندو، في الحال بس سروس ماڊل ڪالوني کان ٽاور تائين هلندي. بس منصوبي جي واکاڻ ڪندي شهرين جو چوڻ آهي ته سنڌ حڪومت طرفان هي سٺو قدم کنيو ويو آهي. شهرين موجب سنڌ حڪومت طرفان معياري ۽ سستي ٽرانسپورٽ جي فراهمي سندن لاءِ فائديمند ثابت ٿيندي.
