اسلام آباد (بيورو)پنجاب جي 20 تڪن تي ننڍي چونڊ جي نتيجن کانپوءِ حڪومت جا ٽي اتحادي هڪ ٻئي سان رابطي ۾ اچي ويا آهن. ذريعن موجب نواز شريف، آصف زرداري ۽ مولانا فضل الرحمان وچ ۾ ٽيليفونڪ ڳالهه ٻولهه ٿي، ٽنهي اڳواڻن پنجاب جي ضمني چونڊن جي نتيجن ۽ سياسي صورتحال جو جائزو ورتو.ذريعن موجب ٽنهي اتحادين پنجاب ۽ مرڪز ۾ مستقبل جي حڪمت عملي تي به خيالن جي ڏي وٺ ڪئي.ذريعن جو چوڻ آهي ته ٽنهي اڳواڻن اتفاق ڪيو آهي ته اتحادين جي مشاورت سان تفصيلي ايڪشن پلان جوڙيو ويندو.
