لاهور: (ويب ڊيسڪ) پنجاب جي وزيراعليٰ مريم نوازشريف جي صدارت هيٺ ٽرانسپورٽ ڊپارٽمينٽ جو خصوصي اجلاس ٿيو جنهن ۾ مختلف شهرن جي لاءِ 1500 اليڪٽرڪ بسون هلائڻ جي پروجيڪٽ جي اصولي منظوري ڏني وئي.رپورٽ موجب پنجاب جي پري وارن وڏن شهرن ۾ مرحليوار اليڪٽرڪ بسن تي بڌل ٽرانسپورٽ سسٽم شروع ڪيو ويندو، اجلاس جي پهرين مرحلي ۾ 300 اليڪٽرڪ بسن جي خريداري جو عمل جلد کان جلد مڪمل ڪرڻ جو حڪم ڏنو ويو. پهرين مرحلي ۾ لاهور ۽ گوجرانوالا ۾ اليڪٽرڪ بسون هلايون وينديون.اجلاس ۾ سرگودها، شيخوپوره، سيالڪوٽ، گجرات، رحيم يار خان، ڊي جي خان سميت ڇهن ضلعن ۾ نئين ٽرانسپورٽ سسٽم تي اتفاق ڪيو ويو جڏهن ته پنجاب جي وزيراعليٰ لاهور، گوجرانوالا، اليڪٽرڪ بس سروس جي ايندڙ جون تائين جي ڊيڊ لائن مقرر ڪري ڇڏي.فيصلو ڪيو ويو ته فيصل آباد ۾ اورنج ۽ ريڊ بس سروس شروع ڪئي ويندي، سامونڊي روڊ کان سرگودها روڊ ريڊ بس سروس ۽ جڙانوالا کان جهنگ روڊ اورنج بس سروس شروع ڪئي ويندي، اجلاس ۾ وزيراعليٰ مريم نواز فيصل آباد ۽ گوجرانوالا ۾ اليڪٽرڪ بس جي ٽريڪ لاءِ پلان طلب ڪري ورتو.اجلاس ۾ لاهور ۾ بليو لائن اليڪٽرڪ بسن جي لاءِ ٽريڪ جي پلاننگ لاءِ 15 ڏينهن جي مهلت ڏني وئي جڏهن ته مريم نواز اليڪٽرڪ بسن جا چارجنگ اسٽيشن قائم ڪرڻ جي لاءِ به پلان طلب ڪري ورتو آهي.مريم نواز لاهور ۾ جديد ترين ٽرانسپورٽ ٽاور ڪمانڊ اينڊ ڪنٽرول سينٽر جي منظوري به ڏني، اجلاس ۾ ڳالهيون ڪندي هن چيو ته سڀني جي وزيراعليٰ آهيان لاهور ئي نه ٻين شهرن جي عوام جو به جديد ٽرانسپورٽ سسٽم تي پورو حق آهي، مريم نواز چيو ته منهنجي خواهش آهي ته پنجاب جي هر وڏي شهر ۾ شاندار ۽ جديد ترين بس سسٽم موجود هجي، ترقي جي سفر ۾ سڀني کي شريڪ ڪرڻ جي لاءِ ٻين شهرن ۾ به اليڪٽرڪ بسون هلايون وينديون.
