ٺڪراٺو(رپورٽر) ڳوٺ محب شاھ ۾ مهتم ۽ راڄڙ برادري جي ٻن ڌرين ۾ جهيڙو ٿي پيو سبب نوجوان ديدار علي پٽ جاڙو مھتم ڪهاڙيون لڳڻ ڪري سخت زخمي ٿي پيو جنهن کي ڳڻتي جوڳي حالت ۾ روهڙي اسپتال منتقل ڪيو ويو آهي ورتل ڄاڻ موجب روهڙي جي علائقي وس ۾ موٽر سائيڪل ٽيڪسي طور ڪرائي تي ھلائيندڙ مھتم برادري جي نوجوان ديدارمھتم کي راڄڙ برادري جي ماڻهن ڪھاڙين جا وار ڪري سخت زخمي ڪري ڇڏيو آهي جنهن کي روھڙي تعلقہ نيو ويو جتي سندس حالت خراب ھجڻ ڪري سکر سول اسپتال منتقل ڪيو ويو آهي ھوڏانھن حد جي ٿاڻي تي اھڙي قسم جي اين سي داخل ڪرائي وئي آهي جڏهن ته آخري اطلاعن تائين ڪا به گرفتاري عمل ۾ نه اچي سگهي آهي
