لاهور(ويب ڊيسڪ) پاڪستان مسلم ليگ (ن) نواز شريف جي وطن واپسي لاءِ رستو هموار ڪري ڇڏيو آهي. ان ئي سلسلي جي هڪ ڪڙي آهي نواز شريف جي تاحيات نااهلي جو خاتمو. معلوم ٿيو آهي ته ان حوالي سان قانون واري وزارت ۽ ٻيا لاڳاپيل ادارا نااهلي جي مدت جو تعين ڪرڻ لاءِ آئين ۽ قانون جو جائزو وٺي رهيا آهن. ذريعن موجب قومي اسيمبلي جي ايندڙ اجلاس ۾ نااهلي جو مدو گهٽائي 5 سال ڪرڻ جو امڪان آهي، جنهن سان نواز شريف جي نااهلي ختم ٿي ويندي.مسلم ليگي ذريعن موجب ان قانون سازي لاءِ سادي اڪثريت ڪافي آهي.
