پشاور(ويب ڊيسڪ)اڳوڻي وزيراعظم ۽ پاڪستان تحريڪ انصاف جي چيئرمين عمران خان سينيئر صحافي ارشد شريف جي قتل کي ٽارگيٽ ڪلنگ قرار ڏنو آهي.پشاور ۾ تقريب کي خطاب ڪندي عمران خان چيو ته جيڪا قوم انصاف لاءِ جدوجهد نه ڪندي آهي اها تباهه ٿي ويندي آهي، اسان کي وڪيل برادري جي سڀ کان وڌيڪ ضرورت آهي، انساني سماج ۾ قانون آڏو سڀ برابر آهن، پر پاڪستان ۾ پر قانون جي بالادستي ڪڏهن به نه ڏٺي. ارشد شريف جي قتل بابت هن چيو ته هو صحافت ۾ ارشد شريف جي سڀ کان وڌيڪ عزت ڪندو آهي، جيڪو ڪجهه به چوي، مون کي خبر آهي ته ارشد شريف کي ٽارگيٽ ڪلنگ ڪيو ويو آهي.اڳوڻي وزيراعظم چيو ته ارشد شريف کي اڻڄاتل نمبرن تان ڌمڪيون ملنديون هيون.هن وڌيڪ چيو ته اعظم سواتي کي ننگا ڪري تشدد جو نشانو بڻايو ويو، مون فيصلو ڪيو آهي ته جيستائين زنده آهيان انهن ظالمن سان وڙهندس، الله تعاليٰ ڪنهن کي به غير جانبدار رهڻ يا انهن چورن سان گڏ رهڻ يا سڌي رستي تي هلڻ جي اجازت نه ڏني آهي، 75 ورهين جو اڳوڻي سينيٽر اعظم سواتي کي ننگا ڪري تشدد جو نشانو بڻائي دنيا ۾ پاڪستان جو مذاق اڏايو ويو.
