اسلام آباد(ويب ڊيسڪ)پاڪستاني آل رائونڊر شاداب خان جو چوڻ آهي ته ڪرڪيٽر نه هجي ها ته مزدور هجي ها.ٽوئيٽر تي مداحن سان ڳالهه ٻولهه ڪندي شاداب خان چيو ته 2018ع ۾ گروئن انجري ٿي هئي پر مان کيڏندو رهيس، ورلڊ ڪپ 2019 کان اڳ هيپاٽائيٽس ٿي ويو ۽ پوءِ ورلڊ ڪپ ڏاڍي محنت سان کيڏيو، هاڻي مڪمل طور تي فٽ آهيان، چئن مهينن کان ڪرڪيٽ کيڏي رهيو آهيان. ها، پر بحالي به ٿي رهي آهي.شاداب خان چيو ته مون کي هينئر زخمي نه ٿيڻ گهرجي ڇو ته ايشيا ڪپ ۽ ورلڊ ڪپ اچي رهيو آهي، مان ٽيسٽ ڪرڪيٽ کيڏڻ چاهيان ٿو پر ٽيسٽ اسڪواڊ ۾ منهنجي جاءِ في الحال نه آهي، مون ايتري فرسٽ ڪلاس ڪرڪيٽ به نه کيڏي آهي. منهنجي خواهش آهي ته ٽيسٽ اسڪواڊ ۾ گهٽ کيڏندس، ڇو ته ٽيسٽ ڪرڪيٽ کيڏڻ جو مزو ئي مختلف هوندو آهي.قومي ڪرڪيٽر جو چوڻ هو ته انگلينڊ ۾ گهڻو وقت گذاريندو آهيان، ان ڪري جڏهن اتي ويندو آهيان ته ٽڪ ٽاڪ ڏسندو آهيان.ان سان گڏ شاداب خان اهو به ٻڌايو ته جيڪڏهن هو ڪرڪيٽر نه هجي ها ته مزدور هجي ها ڇو ته هو لکي ۽ پڙهي نٿو سگهي.
