اسلام آباد(رپورٽ الله وسايو گهوٽو) اليڪشن ڪميشن ۾ ان وقت دلچسپ صورتحال پيدا ٿي وئي جڏهن پيپلز پارٽي جي سينيٽ جي اميدوار فرحت الله بابر وٽ اليڪشن جي فيس جا پئسا پورا نه هئا. اليڪشن جي فيس 40 هزار رپيا هئي جڏهن ته فرحت الله بابر وٽ 32 هزار رپيا هئا. ان صورتحال ۾ فرحت الله بابر سان گڏ پ پ جي ڪارڪنن چندو ڪري فرحت الله بابر جي فيس ادا ڪئي، سڀ کان وڌيڪ چندو پ پ جي صوبائي صدر همايون خان ادا ڪيو جڏهن ته پ پ جي ياور نصير چندي ۾ 50 رپيا ڏنا.
