اسلام آباد: (بيورو رپورٽ) وفاقي آئيني عدالت فيصلو ڏنو آهي ته سپريم ڪورٽ جي آخري فيصلي خلاف آئيني عدالت ۾ متوازي اپيل داخل نه ٿي ڪري سگهجي.وفاقي آئيني عدالت جي چيف جسٽس امين الدين خان هڪ تحريري فيصلي ۾ چيو آهي ته وفاقي آئيني عدالت کي ستائيهين ترميم ۾ سپريم ڪورٽ جي فيصلن تي اپيلن جي نگراني يا ٻڌڻ جو اختيار نه هو.وفاقي آئيني عدالت فيصلو ڏنو ته آئين لامحدود قانوني ڪارروائي جي اجازت نٿو ڏئي، قانوني جنگ ڪٿي نه ڪٿي ختم ٿيڻ گهرجي، زمين جي معاوضي جو تڪرار عوامي اهميت جو نه پر هڪ خانگي معاملو آهي، آرٽيڪل 184(3) جو غير معمولي اختيار صرف عوامي مفاد لاءِ آهي، انفرادي شڪايتن لاءِ نه.چيف جسٽس امين الدين خان، سپريم ڪورٽ جي 12 سيپٽمبر 2024 جي حڪم خلاف داخل ڪيل نظرثاني جي درخواست کي رد ڪندي، فيصلي ۾ وڌيڪ لکيو ته سپريم ڪورٽ جي آخري فيصلي کي اصلاحي جائزي جي نالي تي ٻيهر نه ٿو کوليو وڃي.وفاقي آئيني عدالت چيو ته آرٽيڪل 188 تحت نظرثاني جو حق محدود آهي ۽ معاملو سپريم ڪورٽ جي نظرثاني رد ڪرڻ کان پوءِ ختم ٿي ويندو آهي. درخواست ڏيندڙ جو موقف هو ته 2015 ۾ سپريم ڪورٽ جي 3 رڪني بينچ سندس حق ۾ فيصلو ڏنو هو، جنهن کي 2022 ۾ 2 رڪني بينچ رد ڪري ڇڏيو.درخواست ڏيندڙ ۽ ملتان ڊولپمينٽ اٿارٽي جي وچ ۾ زمين جي معاوضي جو ڪيس هو.
