لاهور (ويب ڊيسڪ)وفاقي وزير جاويد لطيف جو چوڻ آهي ته 9 ۽ 10 مئي جي واقعن ۾ جنهن جو به ڪردار آهي ان کي سزا ملڻ گهرجي، اسان ڪنهن به سياسي پارٽي، ڪنهن سياسي اڳواڻ تي پابندي لڳائڻ جي حق ۾ ناهيون، جن سان زيادتي ڪئي وئي آهي انهن جو ازالو ڪيو وڃي.لاهور ۾ پريس ڪانفرنس ڪندي جاويد لطيف چيو ته مون کي خدشا آهن ته چونڊون وقت تي ٿيڻ گهرجن، اسان جو مطالبو آهي ته چونڊن لاءِ سڀني کي برابري واري جڳهه ڏني وڃي.هن چيو ته جيڪڏهن پاڪستان کي مستحڪم ڪرڻو آهي ته قوم کي مڪمل سچ ٻڌائڻو پوندو، هن وقت قوم کي متحد ٿيڻ جي ضرورت آهي، قوم ڄاڻڻ چاهي ٿي ته دهشتگرد ۽ سياستدان جي تعريف ڇا آهي. 9 ۽ 10 مئي جي واقعن جي سمورن ڪردارن کي بي نقاب ڪيو وڃي. جاويد لطيف چيو ته نوازشريف کي پاڪستان تي رحم کائيندي کيس آندو وڃي، اسان جو ڪنهن سان ڪو به معاملو ناهي، ڊيل هميشه عوام سان ٿيندي آهي، مسلم ليگ (ن) پنهنجي پليٽ فارم تان اليڪشن وڙهندي. مسلم ليگ ن اڳواڻ اهو به چيو ته عدليه کي ارشد شريف جي ماءُ جو آواز ٻڌڻ گهرجي، قتل قتل آهي، قاتل قاتل آهي، ڏوهه سڀني جو هڪ جهڙو آهي، جيڪو به ڏوهي آهي ان کي سزا ملڻ گهرجي.
